Poetry

Demolisyon

By Jules Yuan Roldan February 11, 2021 #Poetry in Filipino

Sa masikip na looban,

Sing-init ng kape ang mga taong nababahala

Lahat sila’y ‘di magkandaugaga-

Taym-pers muna ang mga batang

Nagmumurahan sa pagtatakbuhan,

Pati sila Chukoy na sumisistema’y nagpulasan,

All-out tuloy sila aling Gema sa pagtsitsismisan

Kumawala ang mga katanungang:

“Puta, san tayo mapupunta n’yan?”

Nang ilabas ni Manong Engineer ang panukat,

Tantiyadong-tantiyado ang mga mauulilang tahanan

Pumalahaw ang iyakan, murahan

Tiyak nanaman ang hantungan

Sa madugong labanan.

This literary piece is part of Katitikan Issue 3: (Re) Imaginations.

By Jules Yuan Roldan

Kasalukuyang tinatapos ni Jules Yuan B. Roldan ang kursong Batsilyer ng Artes sa Filipinolohiya sa Politeknikong Unibersidad ng Pilipinas. Lumaki at namulat siya sa pamumuhay sa Tundo, Maynila. Nailathala ang ilan sa mga tula niya sa antolohiyang “Lakbay: Mga Tulang Lagalag” ng 7 Eyes Production.