Poetry

Sa May Divisoria

By Jules Yuan Roldan February 11, 2021 #Poetry in Filipino

Nauna na kaming bitbitin

ang mga bagahe ng pangamba

sa may bangketa. Sa Divisoria

kung saan nanahan ang mga gunita-

Nang minsang dinidikdik

ng mga puwersa,

itinaboy na parang mga peste

sa malinang na kabukiran

nilimas, nilampaso

wika nila’y:

mga sagabal sa daan.

Matagal mo nang binaybay

ang kahubdan ng lungsod.

Ngayong ika’y iniluklok,

bakit wika nila’y wika mo na rin?

Nailathala sa antolohiyang “Lakbay: Mga Tulang Lagalag” ng 7 Eyes Productions, OPC, August, 2020

This literary piece is part of Katitikan Issue 3: (Re) Imaginations.

By Jules Yuan Roldan

Kasalukuyang tinatapos ni Jules Yuan B. Roldan ang kursong Batsilyer ng Artes sa Filipinolohiya sa Politeknikong Unibersidad ng Pilipinas. Lumaki at namulat siya sa pamumuhay sa Tundo, Maynila. Nailathala ang ilan sa mga tula niya sa antolohiyang “Lakbay: Mga Tulang Lagalag” ng 7 Eyes Production.