Lagi na lang naiiwan
Ang pilas mo sa upuan,
‘Di kaya naman nakadungaw ka
Sa binta pagkatapos maging ebidensya.
Tangay-tangay ka ng panahon-
Sa pagmulat ng umaga
At pagkaagnas ng gabi.
Nakikilala mo ang bawat
Mukha ng paglalakbay,
Pagbabasakali,
At panghihinayang.
Nadarama mo ang gaspang na
Nanunuot sa palad ng mga pauwi
At pabalik.
Matalik kang kaibigan
Ng kanilang pag-idlip.
This literary piece is part of Katitikan Issue 3: (Re) Imaginations.
Lumikha ng ubo ang singaw
Ng gabi. Nalasahan niya
Ang kamaong inereseta ng asawa
Sa kaniyang mukha.
Malansa ang hininga ng dugo
Sa ilalim ng ilong n’yang bali.
May bubog ng pinag-ipunang
Salamin sa sahig, kaya tila
Kumikindat ang liwanag
Sa kaniyang mga sugat
Na dati na ring pinamahayan
Ng mga lumayas na gasgas.
Parang nilaro ng ipu-ipo
Ang buhok n’yang ‘di na maalagaan.
Pinipitas niya ang mga ngiping
Sumambulat sa lamesa, tila bulaklak
Ang pagsilat niya rito —minamasdan,
Saka ihahalik sa daliri. Ingat na ingat
Niyang sinasalansa sa palad
Ang bawat rosas ng kaniyang ngiti.
Hindi siya pinahihintulutang lumabas,
May beerus pa, ani ng balasubas.
This literary piece is part of Katitikan Issue 3: (Re) Imaginations.
Waray nagbunga dida han katsirak
an santol ha bungsaran.
Sugad hin maaram na hiya
nga paprehas na la
an tiabot nga mga adlaw–
paningkamot nga makakaon,
makabayad hit mga baraydan,
makapanalipod, makatalwas
sunod na la anay an karagtatawa,
an girok, an hiyom han kalag.
Ugaring, padayon man la gihap
an pagrabong han iya kadahunan
sugad han may ada la gihap
nanganak, igin-anak
naghigugma, hinigugma
nangawat, ginkawatan
nanguwat, gin-uwat
nagpreso, ginpreso
nagpatay, ginpatay
Nauna na kaming bitbitin
ang mga bagahe ng pangamba
sa may bangketa. Sa Divisoria
kung saan nanahan ang mga gunita-
Nang minsang dinidikdik
ng mga puwersa,
itinaboy na parang mga peste
sa malinang na kabukiran
nilimas, nilampaso
wika nila’y:
mga sagabal sa daan.
Read MoreSa masikip na looban,
Sing-init ng kape ang mga taong nababahala
Lahat sila’y ‘di magkandaugaga-
Taym-pers muna ang mga batang
Nagmumurahan sa pagtatakbuhan,
Pati sila Chukoy na sumisistema’y nagpulasan,
All-out tuloy sila aling Gema sa pagtsitsismisan
Kumawala ang mga katanungang:
“Puta, san tayo mapupunta n’yan?”
Read More
Ronel Osias 
Jenelyn Garcia 
Jules Yuan Roldan