Hanggang sa ang Verbo ay Magkatawang-tao
Daryl Pasion At sinabi ng Diyos, “Magkaroon ng liwanag!”
At gayon nga ang nangyari.
At sa araw na iyon,
isasawika niya ang daigdig na hindi isinawika
bubukal mula sa kanyang bibig ang ngalan ng dilim
at mula sa alabok, papangalanan niyang muli
ang mga dambuhala sa dagat
at lahat ng bagay na nabubuhay sa tubig,
at mula sa kanyang nangangatog na bibig,
uusbong ang bagong ngalan
ng mga binhi at bungang-kahoy,
hanggang sa tumahan
sa kanyang kalagitnaan
ang kalawakang pananahanan
ng kanyang mga inibig: