Tingtanom

Singot nga walay hunong sa pag-awas

niining ting-init nga dili maagwanta,

gibuboan kining mga tinanom

nga unta daghang anihon ug ipanghatag

kanila nga naningkamot pagtikad.

Ang hulagway sa bukid nga hitaas

gikulit dinhi sa puti nga mga palad.

Gihinumdoman ug giamomahan,

kini tutukan ug paninguhaan.

Mao may gitudlo niadtong pagkabata.

Ug kalit lang, sa akoang paglingi,

duha, dagkong kahoy sa akong pagkabata,

namungingi sa niyebe nga puti,

mga bahi nga nangapaksi ug nangunot.

Kanus-a man kini nangahinabo?

Sa ako’ng pagkutkot niining yuta,

likod ug mga kamot nanakit pag-ayo.

Nakalimot paghangad ug paglantaw,

mga tanom nga sa una gipaninguha,

daghang nangautro ug nangawala.

Samtang nagakutkot niining yuta,

bisan wala pay naani nga mga prutas,

mo hangad ug mo lingi sa palibot

nga naigo niining pagsalop sa adlaw.

Kay ang langit inig ugma, lahi na.