Rey Araneta

Si Rey B. Araneta usa ka misyonerong pari sa Congregation of the Mission (CM) o Vincentians. Nahimugso siya sa La Paz, Bogo, Cebu. Adik sa Bisaya Magazine, nagsunod kang Uray Angkay, nag-ugtas pagsulbad sa pulongbay, ug mag-unag katawa bisan di pa matapos ang Gitik-gitik. Karon nag-alagad siya isip formator niadtong gusto mosulod sa pagka pari. Nagtoo siya nga ang sugilanon/estorya, usa ka pamaagi aron masabwag ang ebanghelyo ug mahimong sibilisado ang usa ka tawo. Human sa mga misa ug mga buluhaton sa simbahan ug seminaryo, mo-sideline dayon ni siya’g basa ug sulat ug mga sugilanon.