Mahika Realismo

Mahika Realismo ang sagisag-panulat ng isang mag-aaral ng agham na nagtatangkang magsulat sa genre ng tula at dagli. Sa loob ng mga limitadong karakter ng isang tweet, nanghihiram si Mahika Realismo mula sa kamalayang Filipino ng mga kasangkapan para kumatha gamit ang mahika realismo bilang estilong pampanitikan. Maaaring makita ang kanyang mga tula, dagli, at patutsada sa @MahikaRealismo sa Twitter.

  • RIVER

    Para kay Baby River Nasino   Musmos ka pang ilog, iniluwal sa kasagsagan ng katigangan ng lupa, gutom, karahasan. Naging dakila ka kaya sana tulad ng Tigris at Euphrates? O di kaya mala-Ganges, Indus, o Rio Grande de Cagayan? Hindi ka man lang naka-agos nang lubos.    Ipinahihiram daw ang buhay bukal sa nag-uumapaw na…

  • Badjao

    Binuksan ng isang Badjao ang de-latang sardinas, umagos mula rito ang Dagat Sulu.

  • Manananggal

    Bagong taon nanganganak ang isang manananggal ngunit ipinatawag siya sa pabrika ng telang pinagtatrabahuhan. Iniwan ang kalahating humihilab sa bahay upang mag-labor at ang bahaging itaas niya ang siyang nag-overtime.  

  • Pulubi

    Sinilip ng pulubi ang basong lalagyan ng nalimos. Sa loob, nakita niya ang ulo ni Rizal, dumudugo at bagong pugot.