Santol
Jenelyn Garcia Waray nagbunga dida han katsirak
an santol ha bungsaran.
Sugad hin maaram na hiya
nga paprehas na la
an tiabot nga mga adlaw–
paningkamot nga makakaon,
makabayad hit mga baraydan,
makapanalipod, makatalwas
sunod na la anay an karagtatawa,
an girok, an hiyom han kalag.
Ugaring, padayon man la gihap
an pagrabong han iya kadahunan
sugad han may ada la gihap
nanganak, igin-anak
naghigugma, hinigugma
nangawat, ginkawatan
nanguwat, gin-uwat
nagpreso, ginpreso
nagpatay, ginpatay