Author: Arnold Valledor

Arnold Matencio Valledor ay may asawa at apat na anak, Punongguro II, at kasalukuyang Officer-in-charge Public Schools District Supervisor ng isang distrito sa Hilagang Catanduanes ay naging fellow ng 10th Ateneo National Writers Workshop taong 2010. Nalathala ang mga akda (maikling kuwento, maikling-maikling kuwento, dagli, maikling kuwentong pambata, tula, artikulo at tapusang komiks) sa Liwayway Magasin. Nalathala ang maikling kuwento at tula sa ANI 40 at 41, Cultural Center of the Philippines Literary Journal (2018). Kabilang ang tatlong dagli sa LAGDA: Journal ng Departamento ng Filipino at Panitikan ng Pilipinas at isa sa antolohiyang AKSYON: Dagli ng Eksenang Buhay ng 7 Eyes Productions (2020). Kabilang ang maikling kuwento sa antolohiyang BALINTUNA: Mga Kuwentong Kakatwa, at ilang tula sa antolohiyang LAKBAY: Mga Tulang Lagalag ng 7 Eyes Productions (2020); tula sa Kasingkasing Nonrequired Reading in the Time of COVID- 19 Alternative Digital Poetry Magazine Issue No. 4 (April 2020); at maikling kuwento sa antolohiyang BALLIGI: Mga Kuwentong Tagumpay at Pagpupunyagi ng KAISA (Kapisanang may Adhikain na Itaguyod ang Sining sa Akademya) (2020).