Author: manu.avenido

Magsuwatan si Manu Avenido nga usa ka Bol-anon og sugilanon, balak, ug dula sa tulo ka lengguwahe: Cebuano, Filipino, ug Iningles. Makaupat nga higayon na siyang nakadaog sa Palanca alang sa iyang mga Sugboanong sugilanon. Nakadawat sad siyag ubang pasidungog sa iyang pagka magsusulat sama sa Gawad Lumbera, BATHALAD-Mindanao, Sinulog Awards for Literature (SINULAT), Balacuit, ug uban pa. Nahimo siyang fellow sa lain-laing pangrehiyonal ug nasodnong pasinati alang sa mamugnaong pagsulat sama sa Faigao, Iyas, Iligan, ug uban pa. Sagad sa iyang mga sugilanon napatik sa Bisaya Magazine ug ubang mga antolohiya. Ang Ikigai Ug Ubang Piniling Mga Sugilanon (Advaux, 2023) nga adunay hubad sa Iningles ni Dr. Marjorie Evasco nga maoy labing una niyang koleksiyon sa mga napasidunggang sugilanon nakadawat og Publication Grant sa tuig 2023 gikan sa National Book Development Board ug nahimong pinalista sa ika-42 National Book Awards alang sa Best Translated Book sa Iningles. Gituga kang Manu ang NCCA’s Gawad Rolando S. Tinio sa Tagasalin or the Translator’s Prize (2023-2024) alang sa iyang hubad sa mga balak ni Adonis Durado. Kasamtangan siyang nakabase sa Kyoto, Japan diin siya nagtudlo sa usa ka unibersidad.